 |
Questa pagina a no l'è stæta corretta. | |
Per no stâve ciù a frusciâ
Co-a tediosa mæ canson,
Mettiö i ätri in to cadeon
Che ben vêuggio nominâ.
Fasso dunque ûn brindixon
A-o sciô Marchexin galante,
Compitiscimo, elegante,
Da-e pupponn-e çercatiscimo
E zûgòu fortûnatiscimo;
A-o Sciô Maengo Salvatô,
Farmacista rinomôu,
Che ho avûo anchêu solo l’önô
De conosce e fortunôu
D’ëse o sò bon servitô;
A Palazzo bon zûgôu
E braviscimo cacciôu,
Chi no fa mai botte vêue
Co-i cûgianchi e e parissêue...
Viva o bello terno, evviva,
Con lö, tûtta a comitiva!
E, scibben che o n’é presente,
No me scordo o gran Lûccasso
E ûn gran brindixi ghe fasso
Tanto forte che o me sente;
Scacchezzante straordinäio
