Pagina:Chittarin zeneize 1881.djvu/130

Da Wikivivàgna

Gh’è a sciaradda da spiegâ,
Dove spicca o gran portento
Pastorinico 25 talento
Chi no n’indovinn-a mai!

Lì se sente tûtti i guai...
Lì gh’è e prûxe da çercâ,
I cappotti da taggiâ
E i romansi da inventâ.

Meschin quello che sovven!
De nisciûn se dixe ben,
Ma a nisciûn se fa do mâ,
Aze, pöveo, dotto, ricco,
Son passæ tûtti a-o lambicco
Ché l’è quello che ghe vêu
Pe descollerâse o chêu
Con trovä tema da rïe
Finn-a in te Necrologie.

Cose gh’ælo, tanto fûmme?
Se fa scûo, s’ammorta o lûmme!
Scignor scì!... pe-a gran raxon
Che non gh’é ciù d’êujo drento;
O Peccetto, economon,
Se n’ha fæto o condimento.