 |
Questa pagina a no l'è stæta corretta. | |
Dunque, comme ve dixeivo,
E böxie dî no vorrieivo,
Pe passâ quelle tediose
Lunghe sejann-e invernose
Nè contâe tanto granïe 3
Da fâ cazze zù e sganzïe,
S’è introdûto o zûghettin
D’ûn goffetto ben piccin,
Da no perde guæi dinæ
E stâ lì tûtti ascädæ.
Onestiscima demôa,
Per passâse in societæ;
Ché andâ in letto de bonn’ôa
A l'é cosa da sposoeì,
O da chi recciûmma o peì;4
Poi, con ciù presto gh’andæ,
Sempre ciù i lensêu frûstæ.
Gran feliçe e bella idëa
De bandî quella scacchëa5
Chi frusciava orrendamente
E ciammâ in cangio: Peccetto,6
(Che de vòtte o no ve sente)
Aççendeì! presto o mucchetto,
Dæ recatto a-o tavolin,
Lûmme, carte e panêtin...
