 |
Questa pagina a no l'è stæta corretta. | |
SFÊUGO POETICO 1
Sciö arçipræve gentiliscimo,
Nêuvo parroco degniscimo,
Mæ padron riveritiscimo!
Scià me digghe ûn pittinin:
Manco ûn pö de ciccolata,
Ûn caffè, ûnn-a limonata
Se dà a-i fratti Cappûççin?
Doppo fâ tanto cammin
A ægua, vento, bratta e pûa,
Passâ i ponti, i fossi, l'aenn-a,
Per vegnî con gran premûa
A dî messa in San Pê d’Aenn-a,
Manco ûn pö de colazion?
