Pagina:Chittarin zeneize 1881.djvu/101

Da Wikivivàgna

LETTERA 1



Cariscimo Fulgenzio, a-i vimitrei zenâ
Ne-o salon de San Zorzo,2 primma d’andá a disnâ.

In primis et ante omnia, tò barba 3 sta assæ mëgio,
   Cessò a frevetta e a tossa, coscì cessasse o vëgio...4
O l'é ciù allegro, o ciarla, o se va affiando o dente 5
   E o saeiva zà guarïo, sensa quello serpente!...6
Aspëtavo tò lettere, secondo ti m’hæ dito,
   Ma ti n’hæ scrito ninte.. . bravo! per fâ ciù fïto.
Spero che a tò salûte in mëzo a-e Benedette,7
  Zazzûin, legûmmi e cöi, a sä de ciù perfette,
E che a quest’ôa, cantando comme l'öxello in gaggia
   E dipinzendo a sguasso, ti sæ ûn Raffaello in paggia.
Se mai ti fesci di angei, no fâ müri de mû 8
   E, se ti fæ de nûvee, no fâ sc... de c..,
Dunque ti fæ scappâ d’in gëxa finn-a a Santa 9
   E o rapallesco popolo voî soli o ve ghe cianta.
Diggo coscì per rïe, bûrlo perchè so ben
   Che o figgio de Reginn-a o sa fâ e cose ben,