 |
Questa pagina a no l'è stæta corretta. | |
5
S'o se posta à ra battúa,
O ve fa strasecolâ;
E s'o l'intra in rebattúa,
Ri Baloin o fa sgorâ.
6
À trovâ ro sò braçallo,
Sempre pronti en ri baloin:
L'e desgrazia s'o fà un fallo,
E per lê son sempre boin.
7
O se trœuva da per tutto,
Schitta chì, corri de là;
Çitto, attento, e squexi mutto,
À i balloin sempre o ghe dà.
8
O ghe tira pe ro verso,
Con un œuggio furbo e fin;
E de drito e de reverso
O ghe fà passâ i confin.
9
S'o ghe tira de maççœura,
Çerto o l'è de non fallî;
Ò de dentro, ò pù de fœura,
Ro balon o fà sciortî.
10
Bello veiro arrampinâse
Drito sciù pe ro bastion!
O non guarda à sgarbellâse,
Basta toccâ ro ballon.
