 |
Questa pagina a no l'è stæta corretta. | |
ÇESARE CATAÑIO.
Vorræ, Muza, un pò de veña,
Per poreì, ma sença peña,
E con rimma netta e bella,
Dî re lodi de Brighella.
2
Mi de quello non discorro
De Cafosci brutto morro,
D'arlichin xanni compagno
Chi me pâ Simon dro bagno:
3
Ma d'un can, chi pâ uña cagna,
Che in Bologna o in ra Romagna
O saræ na maraveggia
Poei trovâ cosa pareggia.
4
À voreivero descrive
L'è diffiçile con scrive,
Nè un pittô con un pennello
Pœu depenzero ciù bello.
5
Un pei umero e çernúo,
Che à toccâro o pâ un velúo;
Un morrin chi è caffonento,
Chi pâ tento, e non è tento.
