 |
Questa pagina a no l'è stæta corretta. | |
14
Ma tanto fin all'urtimo
Vœuggio éssete costante,
Che un ciù fedele amante
Mai ti porræ trovâ.
Tegni ro morro in pottola,
Famme mille desgaribi:
Ti saræ un giorno saçia,
De veime in fin crepâ.
15
Ao manco quando i Prævi
Me porteran cantando,
Ra graçia te domando,
Ma non me ra negâ.
Bœutta uña sola lagrima,
E dì, quella bonañima
Aora o m'arranca l'añima;
E poi lasciame andâ.
