 |
Questa pagina a no l'è stæta corretta. | |
29.
E per dâ do cû sciù a stanga
Ghe mancava o Fiderâ,
Fa o paston, siaçça a semoa.
Scrolla a casa, a terra tremoa,
Pâ ch'a vœugge derruâ.
30.
No l'ho manco in cœu, Maniena,
De vorei in sta casa stâ.
Vœuggio andâ à ro Castellaçço,
Ò ciù ærto, ò un pò ciù basso,
Ò ciù in là se se pœu andâ.
31.
Chi finiscio, Comâ cara;
Ma non ve lasciæ tentâ,
De vegnî à stâ in Pontexello,
À soffrî sto gran fragello,
Chi non lascia respirâ.
