Pagina:Chittarin 1772.djvu/33

Da Wikivivàgna
SONETTO IV.


Con idea da poeta e da pittô
Poei depenze à ro vivo ra vittoria,
Perchè reste à ri nostri ra memoria
Dro renasciúo in noî primmo vigô.

E, quello da mirâse con stupô,
Fæti tuttun, ri Trœuggi, Prê, Portoria,
Sarzan, ro Campo, Mœu, Ciappa, Valoria,
Per libertæ dra Patria e per l'ónô.

Ri iñemixi, che poæran peççighæ
Da re vespe, portâ via l'arrugao,
Da miggæra de gente seguitæ.

Ro borgo de Fasciœu tutto astregao
De morti là reversi int're contræ.
Ecco ro terço quaddro lì zittao.