 |
Questa pagina a no l'è stæta corretta. | |
Ro primmo quaddro che voreivo fâ,
Saræ un groppo de gente affadighæ,
Con ri mostasci tutti regâçæ
Súando à strascinâse ro Mortâ.
Un chi menaçça in furia uña baccâ,
Dixœutto ò vinti con re moen alzæ
In aria de tirâghe dre sascæ,
Con tanta gente tutta sciarattâ.
Ri iñemixi, che van comme ro scento:
Un chi ghe tira, l'âtro chi non vœu:
Un chi ve pâ cafosci tutto tento.
Depenze in lontanança se ghe pœu
Chi sciorte fœu de caza, chi intra drento,
Un preboggion de donne e de figgiœu.
