 |
Questa pagina a no l'è stæta corretta. | |
À ro Signor
Caro Ambrœuxo amabilissimo,
Son contento contentissimo
Finalmente de porei
Vostre righe e léze e vei;
E ve zuro che l'ho à grao,
E m'hei tutto consolao.
Comme mai poei cræ, che Steva
Agge dæto votta ò leva,
De voreive un ben de zocca,
Ò che aprœuvo à quarche rocca,
D'amistæ contro ra lezze,
Un amigo agge à ro sezze?
Mi dri amixi non me scordo,
Con nisciun ærzo de bordo.
Gnaousciúo dî un pô ciù a me scappa.
Ma ghe metto sciù uña ciappa;
Che son cose, poffardie!
Che me fan scciuppâ de rîe,
Quando incontro un naturâ,
Chi me vœu ro nazo alzâ.
Brœuxo caro, dunque semmo
Sempre amixi, e ro saremmo
Ciù ch'Acate con Enea:
