 |
Questa pagina a no l'è stæta corretta. | |
Cæra brillante stella matutiña,
Spegio d'ogni giustiçia, e caza d'oro,
Dro Pareizo ra Porta e ro Tezoro,
Dri infermi ra salute e ra meixiña.
Così da ra montagna à ra mariña
Strœuppe de gente tutte à doggio coro
Troveran refrigerio e rescióro,
Moæ saçii de laodâve a bocca piña.
De cœu, de vitta, sença mai cessâ,
E con re moen inverse ognun farà
Per vostro amô quanto ciù porrà fâ.
Infin Zena de Voî iñamorâ
À regatta per sempre n'anderà,
Per rendeve da tutti ciù ónorâ.
