 |
Questa pagina a no l'è stæta corretta. | |
À ro giudiçio dæto à re dôe Lezendie dre Cazaççe
Voî me dî ch'hei letto ben,
Sciô Poeta de Cuggen,
Re lezendie zà stampæ;
Ma me crao che coccolæ.
Vorei mette, ò gran cazaña,
Ro battaggio à ra campaña,
Malignando re Cazaççe,
Picca e dalli à sette maççe.
Mi non diggo de pretende
Chi fà mâ vorei defende.
Da ro manco, da ro ciúe,
Da re cose reçevue
Scandaggiando attentamente,
Mi non trœuvo in tanta gente
Sto garbuggio, sto reverso,
De sto mâ non trœuvo un terço.
S'andæ à prœuvo à cose dixe
L'Andriatico Narixe,
Sentirei dre barçellette,
Demorelle e cançonette.
O vœu fâ dro Boccadoro,
E o se fà mette à ro lóro.
Chi mettesse tutto à maçço
Zœuggia santo e Zœuggia grasso,
