 |
Questa pagina a no l'è stæta corretta. | |
Signor Raffè, mi son strasecolao
De vei comme i pennelli adœuveræ!
Questo secolo l'era reservao,
Per fâ renasce in voî l'antiga etæ.
Chi ve dixe de Urbin ò figgio ò fræ,
Chi de Giulio o Tiçian coxin zurao:
Chi de Correggio e Guiddo, e d'ommi tæ
Dro mæsmo sangue e streito in primmo grao.
Perchè v'è dæto l'añimo accoppiâ
Ro ciù bello in voî solo, e ro ciù bon
Che quelli uníi han zà sapuo vantâ.
Ma mi me crao de ciù, che uña union
Dre añime de quelli s'è formâ,
E se n'è fæta in voî trasmigraçion.
