 |
Questa pagina a no l'è stæta corretta. | |
A preisa de Tabacco
Un nêuvo ricco voendo fâse bæffe
D’un so Fattô, ghe domandò tabacco;
Quello ghe o dè, ma in to piggiäo,, perbacco!
O sà, o ghe disse, de baron con l’æffe,,
Lê serio o ghe rispose, Sciô Padron
Vegniä da-e die, perchè o tabacco è bon.
Rimma diffiçile
Un Poeta estemporaneo se trovò
Solo con Nice a fâ conversazion,
E parlando con forza.... ghe scappò
Çerto sospïo chì o misse in suggesìon;
De remesciâ a carëga, o s’inzegnò
Per immitâ, se o poeiva, o stesso son,
Ma quella a disse, riendo, tralasciæ
Poeta, che a rimma uguale no trovæ.
O Speziâ da Mego.
Piccan?.. Chi gh’è (disse ä mogiê o Speziâ)
Vaddo a vedde.. o l’è o Mego!.. no gh’arvî
Digghe ch’o vadde, che me sento mâ.
