Pagina:Chiaravalle Genovese per l'anno1833.djvu/78

ARCI-SCIARADDA.

O mæ primmo o l’è in te stelle
Eppù o no se trêuva in Çê;

Un’avverbio l’è o secondo
Chi no pêu mai stâ da lê;

O mæ terzo chi è franseize
O vêu dî mæ in bon zeneize;

L’atro apprêuvo chi è italian
O vêu dî mì in portolian
Dunque Dea famosa e bella
Stæta convertia in Vittella;

L’è o mæ tutto un erba bacco
Chi hà per sciô un gran punziggion,
Che fummâ comme o tabacco
A ve fà allargâ o pulmon;
Un pö velenosa tamen!
Ma a distrûe qualunque miasma,
A ve libera dall’asma,
Et ab omni malo. Amen.