Pagina:Chiaravalle Genovese per l'anno1833.djvu/30

SCIARADDE.

Se a mæ bella a rispondesse
Cö secondo ae so promesse
Saiva un cæto; o massacan
O mæ primmo fa co-a man,
E o Sordatto quand’o viaggia
Se o no gh’è o giastemma, e o sbraggia;

Nasce a caxo, e fà o mæ tutto
Sciô ben bella, e frûto brutto,
Che o se mangia..... ma tantæ
Se ve o diggo, indovinæ.

O mæ primmo ao viaggiatô
Gh’è ciù cao che a fâ l’amô;

Di mijoin d’ommi gh’è ao mondo
Provenienti da-o secondo,
Da per tutto differenti
In costummi, lingue, e genti;
Stà o mæ tutto co-i testardi
Per penstîsene, ma tardi.