Pagina:Chiaravalle Genovese per l'anno1833.djvu/190

Da Wikivivàgna

SUNETTO.


O Trentetreì o l’è tosto finio!
Pochi minuti a vive ancon ghe resta!
Demmoghe presto, ahimè! l'ultimo addio,
Che o mêue.... o l'è morto!..! sanitæ a chi resta.

Chi l'hà passoû d’incanto, e chi de pesta,
Chi hà ben sciguoû, chi hà perso o barbacìo,
Chi hà sempre travaggiôu, chi ha fæto festa,
Chi è andæto rebelloû, chi ben vestìo;

Chi hà pittoû ben, chi ha fæto de croxette,
Chi s’è majoû, e chi è restoû fantin,
E chi s’è perso apprêuvo a de fadette;

Chi è vegnûo grande, e chi è restoû piccin
Chi è morto, chi è campoû.... dove ve mette?
Lettoî?... a rosto, friti, oppù a zemin?..

      Me o dieì doman mattin,
Addio, no ghe pensæ, stæ d’allegria,
Vaddo torna in ta Lun-na.... Scignoria.

M. P.