 |
Questa pagina a no l'è stæta corretta. | |
Rimedio pe-o mâ da Pria
.jpg)
Un giorno gh’ea un Villan,
Chi aveiva o mâ da pria,
E un Mego ghe dixeiva
De fâghelo andâ via;
Ma o l’ea de quelli Meghi
Antighi, che meschin
Ve spûan sempre sentenze
E reggittan latin;
Ogni giorno o ghe dava
Rimedj differenti,
Decotti, pilloe, bibbite,
Inciastri, seotti, unguenti;
Ma quello poveo diavo
Con ciù cose o piggiava
Sempre ciù o mâ o sentiva
Nè pê, nè gamba o fava;
Un giorno o s’adesciò
Co-e gambe, e tutte e die
Di pê, pin-ne de doî,
E meze arrensenie.
