 |
Questa pagina a no l'è stæta corretta. | |
6.
Parte per questo, e porta
Ra Lettera de credito bastante,
A Sigillo volante,
Con ra celeritæ, che tanto importa,
Balin compatriotta
Vostro fin quella votta,
Mà chiù pe ra resposta dell’invio,
Con bramma grande de veiro exequio.
7.
Sciù sciù donca à partensa
Muze, ond’a Zena pe re nostre bande
Giubilo così Grande
Nò reste privo dra vostra prezensa
Mentre, a, un tanto regallo
Da ro vostro Cavallo,
Che ro Terren per gaudio nò ne tocca:
Orde ha Balin de dí ro resto a bocca.
