 |
Questa pagina a no l'è stæta corretta. | |
18.
Ma comme passa in veive
Ra mæ Mente ri Coppi oura dro Teito?
Giexo Christe beneito!
Muze son invriægo sensa beive;
Son portoù nò sò donde,
Per mille Baraonde;
No sò se vagghe in ære, ò, donde pose
Mizericordia ghè[sic] moæ tante cose!
19.
Rozzo, e bozzo apuinto odo
Mentre à tanti stupuoi me maraveggio,
Voxe dame conseggio
De mette à Terra ri pé sciù ro sodo;
Ghe[sic] se Apollo me ditta
E re Laude, e ra Vitta
Dro nostro Duxe, serve à celebráre
Mi de Scritó, lé Meistro da dittare.
