 |
Questa pagina a no l'è stæta corretta. | |
[Tutt'assieme dro Padre à ra presenza]
Spara* l'urtimo tiro de partenza;
[Mentre sò Reverenza
Per con]fortaro in cosi gran passaggio,
Gh'attendeiva à mostra* rò sò sonaggio,
Da poescia un beveraggio
Ghe portan* fæto d'egua de sisterna,
Per refregaghe* un pò l'arzura interna;
Ma perche intra luxerna
Nò gh'haveiva chiù d'oerio ro meschin,
E arsuroù se gh'era ro stoppin;
Chiù d'egua, ni de vin
No se curando, ghe fè ro Garzon
D'orde dro Miegho un pò de fregaxon,
E Meistro Zorzo ancon
Vorre* appricaghe con ra virtù soa
Ri soe vessigatorij da ra Coa;
Ma sangue d'unna Loa,
Mentre ghe fan cosi ro quinto adosso
Eccateghe uria baria* ro mà grosso,
Desteizo à chiù no posso
Con belli versi, e brutti storzimenti
Ri oeggi stralunè, serrou ri denti,
Con oreggie pendenti
Tirando un pà de Casi in questa forma
Passa* l'Asino bello, e par che dorma.
