 |
Questa pagina a no l'è stæta corretta. | |
Cento poæra de buoæ tutti azzovæ
Nò doggeran ra lengua à un foreste,
Chi digghe in bon zeneize Bertome,
Amo, me cuoe, biou, parole tæ.
Questa è particolà felicitæ
A ri Zeneizi dæta da ro Ce,
D’havei parolle in bocca con l’ame,
De proferire tutte insuccaræ.
Ma ri Toschen meschin, chi son marotti,
E che ro Ce dra bocca han bell amaro
N han nuoi per mezelengue, e per barbotti.
Vorræ che me dixessan se un fræ caro,
Senza staghe à meschia tenti chiarbotti,
Va per cento Fratelli, e sta dro paro.
