 |
Questa pagina a no l'è stæta corretta. | |
chi vêu moî s'a pigge a chêu,
e chi parla de derrè
o ve parla cö panê.
No gh'é aegua ch'a no bagne,
nè ferìa ch'a no se stagne,
e chi vêu tranquillitae
no s'intrighe co-e comae».
* * *
Ah, che donna, mae besava,
quanto ben s'a desbroggiava.
co-a sò fama straordinaia
a saiae morta milionaia,
se a se fosse arrigordâ
ûn proverbio d'applicâ:
«Chi fa e pensa pe-o vexin
o finisce ben meschin».
Ma se a poëse ûn po' risponde
a sentiesci dî co-e gronde:[1]
« Chi no pensa che per lë,
l'ha nemixi a taera e ö çê!».
- ↑ Gronde: cipiglio.
