 |
Questa pagina a no l'è stæta corretta. | |
8.
O doce san Francescho
benigno confessaor,
pregai lo doce Criste
per tuti li pechaoi.
9.
O meser san Domenego
beneito pricaor,
pregai lo doce Criste
che ello ne faza perdon.
10.
O doce Madareina
devota de lo Segnor,
lo vostro bon maistro
semper pregai per noi.
11.
O vergen santa Clara
spoxa de lo Creator,
per li vostri devoti
pregai lo Salvaor.
Salutemo la vergen
cum gran devocion,
che ell'è nostra avocata
davanti allo Segnor.
2.
O vergene Maria
maire de lo Creator,
docissima regina
de grande devocion,
voi chi sei nostra gia
pregai lo Segnor,
che questa compagnia
mantegna in so amor.
3.
Voi fosti vergen spoxa
de De paire segnor
et maire gracioxa
de lo nostro Salvaor;
pregairo precioxa
che de noi pechaoi
la mente sea disposta
a demandar perdon.
4.
Portasti humilitai
per amor de lo Segnor
maire de caritae
de gran devocion,
regina de bone aire,
pregai lo Creator,
che a noi mande paxe
e consolacion.
