 |
Questa pagina a no l'è stæta corretta. | |
6.
Or chi à ofeixo a Criste
si sea doloroxo,
et pianza confessando
lo so peccao ascoxo,
chi è stao crudelle
devegna pietoxo
allo proximo necessitoxo
fazando caritae.
7.
Et prendemo la croxe
de la santa penitencia,
in questi santi iorni
fazando astinencia;
vivamo honestamenti
cum pinna consciencia,
portando in paciencia
tute le adversitae.
8.
Serviamo lo doce Criste
cum gran devocione,
cum santi zezunij
et devote oracione,
aprehendando disciplina
cum grande afliccione,
azò che ello ne perdone
le nostre perversitae.
9.
Pijemo noi amaistramento
da Maria Madareina,
et pianzamo a li pei de Criste
cum dolor et cum peina;
or mondemo li nostri cor
in questa quaranteina
a receiver a Pascha in la ceina
lo agnelo de puritae.
Voi qui pianzeivi cum dolore
lo bon Iexu crucificao,
or v'alegrai per lo so amor
che l'è ancoi resuscitao.
