 |
Questa pagina a no l'è stæta corretta. | |
iuda si e quello chi lo de trair, subito san piero l auereiua morto, e christe non uoreiua che san piero lo sauesse, e lantora san zoane si se buta e si se aremba son lo scosso de christe e si se adormi monto forte, e non respoxe niente a san piero.
Quando Iuda aue preixo lo pam dalla man de christe, incontenente lo demonio si gi intra in lo corpo. Et inperzo piaschun si de prender asempio in queste parole, de non receiuer lo corpo de christe cun peccai non confessu, e impero lo demonio si e aparegiao de uegnir apresso como ello fe a iuda lo quar aueiua preixo indegnamenti lo pan che christe aueiua benexio, e inpero incontenente se leua lo fazo disciporo dalla mensa, e ssi ordena cun li zue che elli si se apparegiassen la note per uegnir a prenderlo. Et lo segnor chi ben lo saueiua tuto, e donde andaua si gi disse o Iuda zo che tu dei far, fa lo tosto. Et li altri discipori pensauan che christe lo mandasse apparegiar alcuna cossa per la pasqua, e inperzo elli non se marauegiam che ello se leuasse da la mensa
