Pagina:Applausi della Liguria 1638.djvu/124

Da Wikivivàgna
PE RA INCORONAZION
DRO SERENISSIMO PRINCIPE
AOSTIN PARAVEXIN
DUXE REÁ DRA SERENISSIMA
REPUBLICA DE ZENA
DRO P. F. AOSTIN SCHIAFIN.


1.
Muza ti che lassù rezi, e governi,
Muxico coro de celesti Orfei;
Che trà gruorie, e trofei,
Per quelli campi eterni,
Con voxe de pareizo approprié
Fan rò tò nomme resuná che moé;
Inspirame à rò cuó cos'hò dà dí;
Scusa rò prezumí;
Hoora che m'appareggio de cantá,
D'un Duxe Serenissimo Reá.

2.
Mè varrǽ da mì poco d'aggiutame,
Che senza tì nò nè traré rì pé;
Porré satá in darré;