 |
Questa pagina a l'è stæta corretta. | |
(201 ) DOCUMENTI
qua logo con consegio de meser Joffrao meser Baptista e mi con monti altri citaein e borgeixi se elezè segnor de campagna Eminec, lo quale fo aproao per quello che devese dar piu paciffico a la campagna che nissun de li altri, tamen fo faeto asai contra vogia de lo imperao che dubiava semper che ello no ge fose reo e pessimo, e così è seguito, che da poi che fo feto segnor fin a la jornâ che ello e sta[e]to in segnoria, jamai no lasà de molestar lo imperao aora de una cosa aora de una altra, in forma che quaxi ne a frustao de ambassiarie per devei aconsâ le requeste che ello fava a la jornâ a lo imperao contra li pati e li zuramenti che elli aveivan inseme, e non contentandose ancora de quello che lo imperao ge fava, ello prevarichà uno fre de lo imperao a far corsia in lo regno de Polonia, e così fè grande corso che elli an conduto, segondo la relation de monti, piu de anime xv mila le quae an tenuto e tennen per ihavi e ihave, e monti e monte ne han venduo e parte rechatae, ma pochi quelli chi se son rechatae, ne an ancora in le main soe la piu parte.
Ancora non contentandose de le cose sopradite ello mise deveo in le vitouarie, e mise bando che no fose personna alcunna chi prezumise de conduere vitoarie in Caffà, e si fava stâ le soe guardie a li passi con ponsoin de ferro atastando in le carre de lo fen e de la pagia per intende se ge era sachi de vitoarie, e quelle chi se trovavan o pareize o secrete ello le facea prende e robava quelli che le conduxeivan, intanto che le vitoarie chi soleam varei asperi viiii in x montan a xiiii e a xv, e no se ne poivan trovâ per dinari. E per questo fo grande spavento a la terra nostra sorvegnando lo iverno, e dubiando de le cose turchesce stamo cum grande affano. Fo necessario con volontae de lo imperao, lo qua per servir de megio se invià a devei vegnî in Caffà per ronpî la opinion chi era che da noi a ello e in campagna fosemo in goerra, parse ben a quelli de la terra far vegnî lo imperao dentro da Caffà per ordenâ quid agendum, e così è seguito.
Vègne lo imperao in Caffà e lo dito Eminec con li altri segnori suoi e se ronpì la opinion chi era de goerra, possia ordonamo con lo imperao de modo tenendo, persochè noi eremo informati de certo che lo dito Eminec segnor de campagna aveiva mandao soi messi a lo Turcho in Constantinopoli e aveiva con ello intendimento. Sentiando noi la preparatione de l'armata grande stemo con grande affano, tamen tegneimo queste cose scelate a lo imperao per non demostrare
