Pagina:ASLSP.VII.2.1879.A.Vigna.djvu/128

Da Wikivivàgna

ANNO U7i ( 122 )

Ancora sapien vostre segnorie como de lo meize de lugio lo imperao mise so frae Aidar a cavalo cum grande oste per far corsia, la quar cosa fè a induta e requesta de questo signor Eminec, lo qualle cotidie lo indueiva a questo, e fè tanto che uno altro frë de lo imperao, nominato Mulchania, se partì da lo imperao contra soa vogia con cavali ccxxx circa sussitao da lo segnor. Questa cosa monto me despiaxe e a tuti quelli de Caffà, e per questo mandamo nostri ambasciaoi a lo imperao e a lo segnor a oviâ che questo corso no se feise, tamen no ne poemo mai otegnî nente perchè lo segnor era de tuto in tuto disposo de far corsia, vegando lo imperao così consentî a la corsa, se partì e a faeto corso in le parte de Polonia e a faeto grande preda de bestiami e pezo, che an conduto da teste anime rosesche e de Polonia da xviii in xx milia segondo sona per la più parte, in lo qua numero è figioli picenini in grande soma, li tenne per ihavi.

Noi iterum mandamo nostri ambasciaoi a lo imperao e a lo segnor a requerî che voresen retegnî quelle teste in lô e no vendere a Turchi asò che no le feisen renegare, e megio era le tenise in lo paise asochè quelli a chi aspettan le poise recatâ, ne avemo asae bonna reposta, tamen credo pur che de elle ne abia venduo bonna parte, persochè de chì insì certi Turchi chi vendèn i soi peivi e merse a megior merchato che non era lo corso per meterse in denari e zen a far inhieta de queste teste, se le an acatae como credo, le an caregae e menae via per altri lochi che per Caffà, credo le abian caregate in le parte de la Calamita e de le Carcheniche a le sarinne, no amo poduto tanto aviar che elli an faeto a lor modo.

Noi ancora famo questo vorentera persochè apreso lo imperao era doi ambasaoi, uno de Mosco e l'altro de re de Polonia e de la Tiffania, se son trovae apè de lo imperao quando l'oste è retornao con la preda, e asochè intendesen noi esser marcontenti, subito mandamo nostri ambasiaoi a lo imperao como è dito de sopra, li quae aven parlamento cum li diti ambasciaoi asochè intendesen che nostra vogia e intention era che a elli non fose faeto dano, e che voreimo semper mantegnî lo amore e la bonna paxe che aveiva lo so re con noi e noi con ello, e di questo restàm tuti doi quelli ambasiaoi contenti de noi, se son partii e andaeti a caza soa secondo che sento.

Ancora averan inteizo vostre segnorie como lo figio de quondam Mamacho segnor de campagna era fugito e partito in oculto de lo imperao