 |
Questa pagina a no l'è stæta corretta. | |
Pê de formiga a testa d’elefante,
Sæ dro tutto in desparte
Dre regole de l’arte;
E che sæ ben, senç’atri scaraguæti,
Ro vegnî a mezalamma, e fâ de fæti.
XVII.
Sciù sciù, senç’atro inçenso
De stile profumao, donca a re preize:
A sccetteçça Zeneize:
A carroggio dro fî per San Lorenço[1]
Sæ d’ogni nostro stile
Ra veritǽ l’Achile;
Siccome a stile e Achile de Spâ træta
Dro nostro Duxe è ogni virtù retræta.[2]
XVIII.
Ma comme passa, in veive,
Ra mæ mente ri coppi aora dro teito?
Gexocristo beneito!
Muze, son invriægo sença beive:
Son portao no sò donde
Per mille baraonde:
