 |
Questa pagina a no l'è stæta corretta. | |
A ro Serenissimo
GIAMBATISTA DURAÇÇO
Duxe de Zena
in ra sò eleççion.
I.
Versi, versi, veña nœuva:
Elicoña tutta a sguaçço:
Duxe e Ræ’ viva Duraçço!
Sciù sciù, a prœuva,
A conçerto de montagna,
Muze, sciù tutte in campagna.
II.
Atro gusto e l’armonía
Mesccia a muxica d’oxelli
Dri Pastoî con scigorelli
Per l’ombría,
Che in Çittǽ tra lóge e sale
Ri conçerti a ra Reale.
III.
A re gioje dre Coroñe
Bello vei tra feste e fasti
Re verdure dri mentrasti
Contrapoñe;
