 |
Questa pagina a no l'è stæta corretta. | |
IX.
In governo perpetuo stabilíi,
Chì statue dedichǽ, là voti appeixi
A Maria protettriçe dri Zeneixi
Se viran dapertutto reveríi.
Stupidi d’attrovâ sì favorii,
Così cari a ro Çê questi paeixi,
Ri forestê staran comme sospeixi,
Da lagrime d’affetto inteneríi.
Tra tenti voti, appeizo a un pedestallo
Un che ciù fisso ve starà mirando,
Maria, quello è Gian-Giacomo Cavallo.
Dre lascivie dri versi sospirando,
Scuza (o dixe) Signora, ogni mæ fallo
Sciù l'ora estremma, che no sò ro quando.
Fine della Corona Sacra.
