 |
Questa pagina a no l'è stæta corretta. | |
VII.
Là per quelli crestalli sempre vivi,
Che han re órette per muxiche e resciori,
Muxica s’odirà comme a doî cori,
D’Angeri e Muze l’un, l’atro de rivi.
Diran ri atti d’amô caritativi,
Onde versǽ dre graçie ri tezori;
Ri sciummi e re mariñe dri restori,
Che abondǽ dapertutto a morti e a vivi.
Che quello gran Monarca, chi sa tutto,
No sa, con ro fâ graçie da tutt’ora,
Fâ graçia, onde no sæ ro vostro aggiutto.
Che voî sei quella benedetta Aurora,
Onde tanto se spegia dapertutto
Quello Sô, che ro Çê tutto iñamora.
