 |
Questa pagina a no l'è stæta corretta. | |
VIII.
In questa Cara, e scœuggi sì reduti
A l’ombra, a ro redosso dra montagna,
Vegni, cara, a passâ l'ora dra cagna,
Che a l’ombra ri Pescoei son tutti fûti,
Amô te sarà ghia, perchè a pê sciuti
Ti superi ogni scœuggio, ogni seccagna:
Con ri are o te farà l’ombra compagna,
Ri ventixœu, chi poæran sì destruti.
Chì ti viræ ro mizero retræto
Dro tò Ballin sciù l’árega asbattuo,
Longo e strateizo, comme Dê l’ha fæto.
Se in vista de spettacolo sì cruo
Ro cœu ti no te senti contrafæto,
Dì che Maxiña è un spirito perduo.
