 |
Questa pagina a no l'è stæta corretta. | |
V.
Un mirion de care int'ra mariña
Chì e là tutta nœutte hò scorrattao.
No gh’è parmo de mâ ch’agge schivao
Con questo scatiggion de fregattiña.
Aora con lençamorta e con treziña
Ri scœuggi a terra a terra hò costezzao:
Aora tanto allamâ me son tirao,
Ch’hò temûo dra mæ ultima roviña.
Maxiña, se se visse ri destrassi
De questo corpo mizero e tapin,
Ne vegnirǽ pietǽ fin a ri sassi.
Ma che me vâ da pœu tenti strascin,
Se ti, per chi m’ammaçço, ti te pasci,
Ciù che de pan, dre carne de Ballin?
