O Cicciollâ 1930/Son solo

by Gioxeppe Cava

←A di ninnoli de stoffa

O Cicciollâ de Gioxeppe Cava Son solo

Giornâ de sô→

lasciòu inalterâ a grafia do "Cicciollâ".

Son solo

A-a memoia de mae figgia

Son solo e stendo l’arco da mae mente
A rievocâ, e têu grazie biricchinn-e;
Son solo solo, eppûre t’è presente
E stronzo fra e mae man e têu magninn-e.

Vegno piccin piccin, e conto e vette
Che e man te tasso batte parma a parma,
E zûgando coscì me scordo e lotte
Da votta desgraziâ e trêuvo a carma.
Ti gûsto ti ghe piggi, e in cantilena
Ti conti insemme a mi tûtta contenta,
E-a têu voxetta acûta a rasserena
Sto coêu ferìo da-o dô che o me tormenta.
Passa o tempo?... Nö so, no n’ho ciû o senso
Nell’illûxion, che lenta a me trasporta,
In to passôu felice, e ciû no penso
Che mi son solo e ti, mae ben, t’è morta!