O Cicciollâ 1930/Educassiun in famiggia
| ←Sinceritè | O Cicciollâ de Educassiun in famiggia de Gioxeppe Cava |
O prève zembo→ |
| lasciòu inalterâ a grafia do "Cicciollâ". |
Educassiun in famiggia
Figgio de ’na carogna, de ’n can marso,
brûtto birbante, porco e pellandrun,
te vêuggio fa ballà co-a corda un svarso
perchè t’impari un po’ d’educassiun.
Che te pigesse a-o chêu mezo assidente,
quandu ti dorvi a bucca pe parlà....
Sacranon! pe davei che ’n faccia a gente
ûnna bella figûa ti me fè fà!...
Zà, pè ’n Cristo! ti muisci surdo e mûtto!
ti no’ semeggi manco ai mè stivè;
perchè mi zà no intendo, doppo tûtto,
d’avei pe’ a cà, purcun, di maduchè.
Aze, galioto, infame, farabûtto,
piggia esempio da mi che sun têu puè!