O Cicciollâ 1930/A muè severa
| ←A scuverta de Voronoff | O Cicciollâ de A muè severa |
Oh! Savunn-a!→ |
| lasciòu inalterâ a grafia do "Cicciollâ". |
A muè severa
Me figgia Rusinin l’ha dixêutt’anni,
Ma a fila drita ben, ve o diggo mi;
Gh’ho ’na mainea, cumà, de batte i panni
Che a no s’azzarda quexi de muscì.
Gh’ho feto ben capì: — no vêuggio inganni,
Ammia de no fermate a descurì;
Se poi te veddo ancun co’ sciù Giuvanni
Te sero in casa e te ghe fasso muì. —
O l’è due settemann-e e ûn capurale
O l’è vegnûo a domanda a faghe in cà;
Gh'ho deto o me cunsenso, è naturale.
O-u lascio vegnì a seia ûn po’ a veggià
Ma te gh’ho dito: — All’occhio, caporale!
Se ve baxiate, non li fe ciuccà. —