O Cicciollâ 1930/A l'amigo Françesco Marengo

by Gioxeppe Cava

←E stelle do mae chêu

O Cicciollâ de Gioxeppe Cava A l’amigo Françesco Marengo

A Meodinn-a→

lasciòu inalterâ a grafia do "Cicciollâ".

A l’amigo Francesco Marengo

In recangio d’ûnna gentile
e gradia lettia.

L’è veo che semmo nati do settanta,
e, benché vegi, ancon emmo l’orgoglio
d’avèi in peto ûn chêu che allegro o canta,
e-e rimme filan zû comme ûn rosoglio.
Lascio in ta penna ö resto, e diggo.... insomma,
se mette ben a fâ quarche poesia,
ben megio se dà drento de ûnn-a tomma
o de ûnn-a pastasciûta assae condia.
Se poi de verde vigne da Rivêa
do secco Vermentin l’oste o ne passa,
alôa, Marengo cäo, con bella cêa
se pêu cöllâ ö boccön da « Campanassa »
e dî ’n te öegge a Scoassi e a Noberasco:
e dî a-o sciô Scovazzi e a Noberasco:
— A-o fiasco femmo a cûa cun ’n’ âtro fiasco! — ^[1].

1. Cfr. la nota alla Lettia di F. Marenco.