O Cicciollâ 1930/A-a Campanassa
| ←Vixioin di Cascié | O Cicciollâ de A-a Campanassa |
A Fûgasetta→ |
| lasciòu inalterâ a grafia do "Cicciollâ". |
A-a Campanassa
Campanassa do Brandale,
Monumento de gran gloria,
Dâa têu tôre medioevale,
Canta l’inno da Vittoria!
Canta a-i zoveni e speranze,
Canta a-i vêgi a libertae,
Canta a tutti e rimembranze
De grandesse tramontae.
Ato o nomme de Savonn-a
Pe l’Italia fa sûnnà:
De sti monti pe-a coronn-a
L’eco forte o rispondià!