Ms. Ricci 176/Sonetto - Lest'in Arme e in Cavall'eccame chì
| ←torna a l'endexo | Poesie in lengua Zeneise de Sonetto |
Sonetto - Non za de Sipro ò da ro terzo Cé→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Lest'in Arme e in Cavall'eccame chì
Vago de fá, comme per chi se fa.
Me vuoeggio inamorá cose sarà?
N'ho visto quattro, chi faren per mi.
Ma quattr'in fin son poche, e sinque assì,
Unna dozenna foscia basterà,
Così a ro mé paeise s'usa là,
E ra mé parte mi l'oré così.
Seguite pu zaschun ro gusto sò,
Pu che re truoeve; se n'haverò ciù,
Tanto megio ra festa mi farò.
Ma truoevo in fin quando ghe staggo sciù,
S'attaccoù sol'a unn'ancon sarò,
S'o l'ingroscia e che streppe vaggo zù.