Ms. Ricci 176/Risposta a Giruoemo Borlasca
| ←torna a l'endexo | Poesie in lengua Zeneise de Risposta do Giurian Rosso a-o Giœumo Borlasca |
D'inserto→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Vuoi si, che sei destende un testamento,
Che da tutti per mumia ven descrito;
Quello dell'aze comme vuoi m'hei dito,
L'è cosa pe re Donne, e quarche fuoento.
Vuoi con ri hommi sei boscá l'argento,
Mi con re Donne fasso l'erudito,
E per fare capase dro mé scrito,
Piggio in presto dall'aze l'argomento.
Se vuoi con zenocratica prudenza
Schivé re Donne comme ri serpenti,
Per osservá d'un savio ra sentenza,
Mi per contra, parlando fuoe dri denti,
Gusto in faghe remorde ra conscenza,
Tiremmo avanti ogn'un pe ri suoe venti.