Ms. Ricci 176/Ra Gattafura

by Giurian Rosso

←torna a l'endexo

Poesie in lengua Zeneise de Giurian Rosso Ra Gattafura

Suoenno dra moggié dell'autó→

Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa, -où = dittongo

Ra Gattafura.

1
O che bonna Gattafura
Fan ste belle vidoette,
Di ch'un atra se ghe mette
Senza perdese in tra pura,
O che bonna Gattafura.

2
Da ra torta a queste chie
Non gh'attruoevo deferenza,
Che per queste lecarie
N'ho un bon pezzo d'esperienza,
Son tutt'unna in apparenza,
Son tutt'unna per ventura;
O che bonna Gattafura.

3
In tre queste è però vei,
Che ghe va un tantin d'amaro,
Chi dà all'hommo ciù piaxei,
E ghe gusta in assazaro,
Che ro dose l'è ciù caro
Con un poco d'amarura,
O che bonna Gattafura.

4
Missa da ra manco parte,
Che ro troppo n'ha dro bon,
Ma ste vidoe, che san l'arte
Ghe ro mettan con raxon,
Perchè prattiche ne son
No trapassan ra mesura.
O che bonna Gattafura.

5
Se fan primma ló in cuxinna
Ben ra meisera ras[c]ciá,
Lesta gh'han ra ras[c]cierinna,
Con che l'usan netezá,
Che fradelli a te ve fa,
Quando spesso a non se cura.
O che bonna Gattafura.

6
Se menissan de sò man
Ben re gé con ro cotello,
Dra so pasta puoescia fan
Ben ra guenna a ro canello,
Han dre croste ro modello,
San d'uscine a ra segura.
O che bonna Gattafura.

7
Se ra pasta è ben mená,
Fan ra crosta si sottí,
Lie ra puoei ben allargá
Senza fara muoé scroscí,
Ra tiré dond'orei vuoi
Senza puoira de rottura.
O che bonna gattafura.

8
Sertre guattare han costumme,
Che no san re croste fá,
De tegní che ro pastumme
Sé ro verbo prinsipá;
Ch'usan solo de gustá
Cose grosse per natura.
O che bonna gattafura.

9
Gattafure così drue,
Quand'han si grosse re croste,
Gh'e perigo però ciue
De mangiane ch'a no coste,
Perchè insandore re croste
Da puoei vei l[']è troppo dura.

O che bonna gattafura.

10
Queste vidoe re san fá
Bonne drento, e belle fuoea,
De sò man ghe san grattá
A doe muoen ra rabbioea,
Mená ben ra prescinsuoea,
E de tutto han bonna cura,
O che bonna gattafura.

11
Re fugasse ancon fá vuoeran
Ló dra pasta chi gh'avansa,
Tanto bonne che ghe puoeran
Senza daghe atra pittanza
Solo d'esta chi gh'avanza
Consolá unna criatura.
O che bonna gattafura.

12
Ló no fan s[c]ciattamario,
Comme i atre solan fá,
Che si ben l'è savorio,
Ra fugassa miegio pá,
Perch'a n'è tanto stivá
De pastumme, e de verdura.
O che bonna gattafura.

13
De fastidio puoé son fuoe,
Che mesté n'han de forná,
Ch'infornando fan dre suoe,
E ghe l'insan 'ntro buttá,

O che ghe ra fan bruxá,
Si che muoé no s'ha ventura.
O che bonna gattafura.

14
In tro tiesto de sò man
Se ra mettan bellamente,
Sott'e sorva puoe ghe fan
Ro sò fuoego dosemente,
Perchè bruxan tutte quente
Quandoo gh'è tanta carura.
O che bonna Gattafura.

15
Chi non gusta ha gusto guasto
Questa missa savoria,
Che l'è bonna in antipasto,
E in deré per leccaria
Onde ciù dra gira gira^[sic]
Chi non n'ha se ne procura.
O che bonna gattafura.

16
Mi a me pá pu tanto bonna,
Che n'oré seir'e mattin,
Che va in sugo ra personna,
S'a n'ha un pezzo d'intre muoen,
Vegno presto all'orexin,
Ni me perdo d'in tra pura.
O che bonna gattafura.