Ms. Ricci 176/Mortale infermité d'Innosentio X
| ←torna a l'endexo | Poesie in lengua Zeneise de Mortale infermité d'Innosentio X |
Risposta→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Hemmo nuoeva da Romma, che ro Pappa
Haggie in man ra parmera, e leve votta,
Ghe zugheré quant'ho, ch'o no ra scappa
Ch'a sarà dre veraxe questa votta.
Se a morte in questo caxo no fa sappa,
Per dexe ch'a vuoe fá unna bella botta,
Bireno scuggierà sotto ra ciappa,
Madonn'Olimpia resterà merlotta.
O l'è za chì dex'anni bell'e boin,
Che ra coromba in casa de San Pé
A l'attend'a ingrasciá ri suoe piccioin;
Si sareiva raxon sciù ro derré,
Ch'a fasse luoego a i atri, perch'in fin
Così re vespe ghe fen luoego a lé.