Ms. Ricci 176/Inconstanza dra fortunna

Da Wikivivàgna
Poesie in lengua Zeneise de Giurian Rosso
Inconstanza dra fortunna
Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa, -où = dittongo
[p. 118v modifica]
Inconstanza dra fortunna


Dra reginna Didon degno parente,
Dri seguaci d'Enea forza, e terró,
Professó dra fermessa in tre l'amó,
Our'Annibale in campo se resente.

Se chì dixesse quarche Scipion
Ch'in amó foise ben l'ese inconstante,
Co i arme in man lé da costante amante
O vuoe provaghe, che l'è un arbicon.

Con giro eterno in unna giusta danza
Ro mesmo cé sempre costante gira,
E a terra da ro cé piggia ra mira
Per amá ra fermessa, e ra costanza.

Han ro servello in fin comme ri gatti,
Quelli ch'all'inconstanza dan ro vanto,
Che ra fortunna, ch'è inconstante tanto
Per questo lé se ciamma Dea dri matti.