Ms. Ricci 176/Amó l'è un scrivan
| ←torna a l'endexo | Poesie in lengua Zeneise de Amó l'è un scrivan |
Baxo rapio→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Amó l'è un scrivan
Che con ra penna in man
Per fá che ri suoe atti sen idonei
Porta sempre con lé doi testimonij
Amó l'è un massacan
Lavora de sò man
Per fá che re buttieghe sen ben fete
Maneza ra cazuoera e dà de lete
Amó l'è un mariná
Chi vuoe sempre ingorfá
E con gran maraveggia
Se v'imbarché per Sanna andé a Marseggia
Amó l'è un bon scolaro
Ma o non vuoe studiá
E serca in tro latin de faghe un fallo
Perchè orentera o gode andá a cavallo
Amó l'è un pittó
Chi n'ha solo un coró
E ri penelli suoe comme puoei vei
A reverso dri atri han ro pei
Amó l'è bon soldatto
Dra militia l'è prattico
E quand'o tira un corpo con ra lanza
Guardeve donne mé sotto ra [...]
Amó l'è mattematico
D'astrologia l'è prattico
E o no mesura ciù stella nisciunna
Quand'a ra sfera l'è arrivoù dra lunna