Ms. Ricci 176/A ro scio Ferippo Adorno
| ←torna a l'endexo | Poesie in lengua Zeneise de A ro sció Ferippo Adorno. |
A ra Sig.ra Giovanna→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Lustrissimo Patron
De benefitij Seneca n'ha scrito
Che non solo se fa
Doggio ro benefitio in daro fito
Ma che un annimo nobile non sà
Pagase i benefitij feti avanti
Che con fane a ro prossimo atretanti
In quelle così nobili
Virtù dre qué ro sció Ferippo Adorno
Onde per questo conto
Ogn'un l'adora chì pe ro contorno
Non gh'è nisciun chi dubite ch'aponto
Ra cortesia no sé ra prinzipá
E de quella de d'ato nominá
Ma senza tante ciacciare
Ven Bertomé Semin da ra so man
Per ese regordoù
Per un de quelli zoveni dro gran
A ro signor Lixandro so cugnoù
E se ro sció Ferippo non è lié
Lé resterà dro tutto Bertomé