Ms. Ricci 1080-2/Buoin pestelli, e noxe assè
| ←torna a l'endexo | Ms. Ricci 1080, sec. XVIII Quelli che vendan noxe, e pestelli à re donne |
Canzone delle belle di Castelletto→ |
1.
Buoin pestelli, e noxe assè
da fà sasa ve portemmo,
da mortè madonne semmo,
che vuoì tutte ne abbondè.
2.
Hemmo inteiso raxonà
ch'ogni donna chi da vuoì
da fà sasa ha bon mortà
anzi ogn'unna in ca' n'ha duoì
se un prestè de questi à nuoì
ghe faremmo sasa assè.
3.
Ne puoeì dì ch'o maio
ve dovie o prestà
che à tegnighe sempre un dio
donne belle intro mortà
non ro puoè da vuoì guardà
se perstaro dexiè
4.
Basta ben che ro consorte
troeve intrego ro mortà
donde o posse pestà forte
sempre muoè, c[']o vuoè pestà
puoè l'avanzo fè gran mà
se vuoì perde ro lasciè
5.
Cazi grossi dentro nostro
nuoì de noxe se trovemmo
donde noxe à modo vostro
pende sotta ghe veghemmo
conne, e grosse arrecogemmo
nuoì re noxe assaxionè.
6.
Hemmo gran sacchettin
e ro sacco gran noxe ha
e re noxe si han gran pin
e ro pin gran sugo dà
e ro sugo gran pro fa,
si che han tutte re bontè
7.
Chi re noxe nostre proeva
ro sacchetto scrolla zù
e re noxe a vuoea
puoescia dixe: ghe n[']è ciù
ghe ne fuisse dentro pù
quante zù ve ne vueè
8.
Chi re noxe in man re piggia
ro pestello vuoè piggià
come in man l'ha donna, ò Figgia
a ro mette vuoè mette intro mortà
come o gh[']e, vuoeran pestà
e fà sasa in quantitè.
9.
Tanto sodi, forti, e duri
i pestelli se trovemmo
che ciù sempre restan duri
quanto ciù i addoveremmo
duri dentro i mettemmo
e fuoea duri i cavè.
10.
Ogni botta per longh'uso
bello à mezo ve dagghemmo
dro pestello intro pertuso
se ben streito o trovemmo,
e à taston trovà o semmo
ni spandemmo sasa muoè.
11.
Ben con nuoì fa sasa ogn'unna
si han con nuoì grand'avantaggio
che han trè cose per contr'unna
ro pestello, noxe, e l'aggio
e ra breiga d'avantaggio
ni à nuoì prestan che mortè
12.
Come donne havei compio
de fà sasa presto, e ben
o conven che o sè forbio
o mortà de strazze ben
ch'atramente a spuzza ven
quando ben non ro striggè.
13.
A gombetta, ò a boggioera
si ben donne ve stivemmo
che e noxe stan de fuoea
si gran cormo ve ghe femmo
e un canello in man ve demmo
che ro cormo ne razè
14.
Ve ra freiga dro canello
quando un tristo ve mezura
si o ve mette giotonello
sempre un dio intra mezura
ma vuoì dose de natura
mette tutto ghe lasciè.
15.
A ro manco zovenette
chi re noxe in ca' non vuoè
ro pestello se ghe mette
e re noxe lasciè fuoea
che o no puoere belle suoè
ch'ogni cosa reffuè.
16.
Deh prestene quella cosa
che (h)a fà sasa, manca a nuoì
si havereì quell'atra cosa
che à fà sasa manca à vuoì
bonna sasa chi tra nuoì
puoemmo fà senza dinè.